مـــا بــيـــن بـــيـــن وبـــيـــن
ما بين بين و بين .. بمواجع امدردر يا عزيز العين .. خليتها معاك اتعيش
ماعارفه تنساك ما تنساك
ولاعارفه تحمل امرار خطأك
ولا عارفه تمشي امغير امعاك
ولاعارفه درب النهايه وين؟؟
ولاجربت فالعمر غير غلأك
ولا ذايقه لوعه ولا تكوين
حد السعادة كي تكون امعاك
غيابك عليها يوم واعر شين
كذا قولي ممكن اتعيش بلاك
كذا قولي نلقاه صبراء امنين
مابين بين و بين .. نرجاك مرجاء عمر موش اسنين .. العين رايها
بين الجفاء وبعادك
ولذة الحنين اتجي في ميعادك
وبين الموده فالغلأ وودادك
معذور لو تطغئ علي لخرين
ما بين بين و بين .. نرجاك مرجا عمر موش اسنين .. العين رايها
وسليمتكم
للشاعر الشعبي/ بلقاسم السحاتي